Grýla og Leppalúði
c/o Stekkjastaur, Giljagaur, Stúfur, Þvörusleikir, Pottaskefill, Askasleikir, Hurðaskellir, Skyrgámur, Bjúgnakrækir, Gluggagægir, Gáttaþefur, Ketkrókur og Kertasníkir.
924 Íslensku óbyggðunum
Kæru jólasveinar.
Nú fer að styttast í að þið bræðurnir röltið til byggða allir sem einn til að gleðja lítil börn með fallegum litlum gjöfum í skóinn. Mig langaði bara aðeins að minna þig á tilganginn með þessum gjöfum þínum; að gleðja lítil börn og stytta biðina eftir jólunum. Ég hef nefninlega heyrt að stundum gleymið þið bræðurnir ykkur og gefið einu barni mandarínu en í næsta skó laumið þið iPod. Þá verða börnin leið og þessar litlu sætu gjafir eru ekki lengur fallnar til þess að gleðja heldur valda öfundsýki og láta sumum börnum líða illa. Svo er alveg rosalega erfitt fyrir mömmu og pabba að útskýra hvers vegna einn fær mandarínu en annar iPod. Hvernig finndist ykkur ef þið fenguð allir mandarínu en Gilitrutt fengi nýjan vélsleða í skóinn?
Ég veit að þið bræðurnir eruð ekki sammála um hvernig eigi að fara að þessu. Sumir ykkar fá nefninlega símtöl og bréf frá foreldrum sem óska eftir því að börnin sín fái eitthvað dýrt í skóinn og sumir meira að segja láta ykkur fá iPod til að lauma í skóinn, eða það hef ég allavega heyrt. Ég veit að það getur verið erfitt að hafa vit fyrir foreldrum sem vilja öllu ráða og hugsa bara um sig og sín börn og er alveg sama um alla hina. En ekki gleyma því, elsku jólasveinar, að ykkar hlutverk er ekki að gefa börnunum það sem þau langar mest að fá í öllum heimi-geiminum. Ef mamma og pabbi vilja að barnið sitt fái iPod, þá geta þau bara gefið það sjálf í jólagjöf, það er ekki ykkar hlutverk að dreyfa rándýru tæknidóti sem var ekki einu sinni til þegar þið fæddust.
Að lokum, ef ég hef ekki náð til ykkar nú þegar, þá vil ég orða þetta svona. Þessi hegðun ykkar að gefa sumum mandarínu og öðrum iPod, og vekja þannig upp öfundsýki og gera sum börn leið og jafnvel reið, jafnast nánast á við það þegar þið stáluð mat og drykk og skelltuð hurðum hér í gamla daga. Þið vitið betur elsku jólasveinar.
Virðingarfyllst,
Gísli Björgvin Gíslason
Ps. Mig langar í Strumpaópal í skóinn.
Ég lýsi yfir stuðningi mínum!
ReplyDeleteTakk fyrir þennan fallega og þarfa pistil
ReplyDeleteTakk
ReplyDeleteFrabært! -mikil þörf á þessu :)
ReplyDeleteyep, snilld.
ReplyDeleteFlott bréf:)
ReplyDeleteSammála =)
ReplyDeleteSnilld - rétt!
ReplyDeleteVonandi færð þú strumpaópal í skóinn þinn!
ReplyDeleteMikið rétt og hrikalega krúttlegt bréf
ReplyDeleteAlgjörlega sammála þér
ReplyDeleteFrábært bréf og alveg komin tími til að senda jólasveinunum svona bréf. Takk takk :)
ReplyDeletejá þetta er mikilvægur boðskapur sem ég vona að nái til allra jólasveinanna
ReplyDeleteMikið flott bréf hjá þér Gísli Björgvin, þetta er nú hreinlega skildulesning, jólasveinanna og foreldrana í landinu.
ReplyDeleteBrilliant... hef einmitt brugðið á það ráð að senda jólasveinunum bréf, þar sem ipod, snjósleði eða hestur gengur ekki í 3 skó í einu... svo.. hérna bað ég þá vinsamlegast að stilla gjafmildi sinni í hóf og halda sig við smágjafir... blýanta, strokleður fyrir skólann... klassískar mandarínur, svala, kókómjólk nammi fyrir laugardaginn o.s.frv.. Hinsvegar hef ég gefið grænt ljós á nýja sokka á aðfangadag eða nærföt, en þá skiptist það á 2-3 daga... Mæli með að þessu bréfi verði dreift inná MENTOR.IS!!!! til allra foreldra skólabarna.... ;)
ReplyDeleteSammála þessu kommenti hér að ofan með að dreifa þessu bréfi á mentor.is :)
ReplyDeletesvo hjartanlega sammála
ReplyDeletegetur ekki einhver gert það þá komið þessu inn á mentor ?
Heyr heyr!
ReplyDeleteBúin að deila á Facebook :)
Ég gæti ekki verið meira sammála, þetta er snilldar pistill!
ReplyDeleteHæhæ :) Mér finnst þetta flottur pistill hjá þér Gísli og ég mæli algjörlega með því að þú sendir þetta áfram þar sem þetta nær til fleiri :)
ReplyDeletekv. Heiða Berglind
flottur pistill og algjör skildulesning, vona innilega að ALLIR jólasveinarnir sjái þennan póst :o)
ReplyDeletealgjörlega sammála. Mjög þörf lesning.
ReplyDeleteFrábært og þarft bréf til ALLRA jólasveina :) Vona að sem flestir lesi þetta.
ReplyDeleteÉg er allavega búin að deila þessu á fésið hjá mér :)
Amen
ReplyDeleteÉg er aaalveg viss um eitt.... - Foreldrar krakkanna sem fá rándýrar gjafir í skóinn hljóta að borga sjálfir fyrir gjafirnar.
ReplyDeleteAf hverju segi eg þetta - Jú - það vill bara svo til að ég þekki vel að jólasveinarnir eru bara ekkert ríkir og hafa enga peninga til að splæsa í svona fíneri sjálfir..
Svo er bara nóg að sjá hvernig þeir eru klæddir að þeir eru sennilega "skít-blankir" allir með tölu. Takk fyrir pistilinn.
Þú ert alltaf flottur Gísli :)
ReplyDeleteFrábært alveg sammála þessu.
ReplyDeleteÉg er svo hjartanlega sammála þessu, man það þegar maður var ungur, fékk yfirleitt eitthvað lítið og sætt frá jólasveinunum í skóinn. Svo mætti maður í skólann daginn eftir þá var fullt af krökkum með MP3 spilara eða slíkan "fjársjóð".
ReplyDeleteFrábært :)
ReplyDeleteFrábær pistill og vel þarfur.. Það liggur við að mér finnist það eiga að prenta þetta út og hengja allstaðar, svo það sjái það örugglega allir jólasveinarnir sem eru alltaf á ys og þys allstaðar :)
ReplyDeleteFrábær og þarfur pistill ;)
ReplyDeleteLýsi yfir stuðningi við þetta málefni, Jólasveinninn lifi og Gísli ritari.
ReplyDeleteMikið óskaplega er ég sammála þessum pistli!!!
ReplyDeleteSnilld :o)
ReplyDeleteVirkilega sammála! Það er munur á dóti í skóinn og jólapökkum!
ReplyDeleteVirkilega sammála þér
ReplyDeleteÓ, hvað þetta bréf þarf að ná til allra jólasveina!
ReplyDeleteTakk fyrir að skrifa það sem ég hef löngum hugsað!
Vel orðað og mjög þarft
ReplyDeleteVel mælt, Gísli!
ReplyDeleteÞað þarf oft að setja hlutina í búning svo að allir skilji. Virkilega vel uppsett hjá þér. Og gaman að lesa þetta :)
ReplyDeleteÞú ert snillli Gísli!
ReplyDeleteMikið afskaplega finnst mér nú frekt og ljótt að foreldrar eru að plata jólasveininn, þessa annars skemtilegu og góðu karla til að setja dýrar gjafir í skó barnanna.
ReplyDeleteVið vitum náttúrulega að þeir þurfa að setja í skóinn hjá öllum góðum börnum og á Íslandi eru svo afskaplega mörg og hlýðin börn að þeir geta ekki sjálfir borgað fyrir dýrt dót handa öllum. Svo endilega mömmur,pabbar,ömmur og afar ef ykkur langar að gleðja ykkar börn extra mikið þá gerið það endilega í ykkar eigin nafni og ekki skemma jólagleðina fyrir þeim sem minna meiga sín. Jólasveinninn fer nefnilega ekki í manngreinaálit og gefa öllum svipað. Sama hvort börnin eru hvít-gul eða svört-feit-mjó eða miðlungs-rík eða fátæk ekkert af þessu kemur jólaandanum við.
Svo mikið sammála! =) Frábært bréf sem allir jólasveinar eiga að taka til sín.
ReplyDeleteKærar þakkir fyrir frábært bréf til jólasveinanna. Það er ekki vanþörf á að minna þá á hvað sé rétt og rangt í þessum efnum.....eða reyndar hvað sé réttlátt og hvað sé óréttlátt í þessum efnum. Ég er þér svo innilega sammála.
ReplyDeleteVel skrifað og ég gæti ekki verið meira sammála :) Þessi verður deilt ;) Takk fyrir.
ReplyDeleteFlottur!
ReplyDeleteThis comment has been removed by the author.
ReplyDeleteÞað er ekki bara öfundsýki,
ReplyDeleteheldur skilja sum grey börnin auðvitað ekki af hverju þau fengu minna en hin, og gæti vakið upp spurningar einsog "Hvað gerði ég rangt, er ég ekki nógu góð/ur?"
Því litlu krílin vita ekki endilega að það eru sumir foreldrarnir sem nuða í jólasveinunum um ipod.
Þörf orð á tímum kreppu... en þó lífsgæðakapphlaups!
ReplyDeletefrábært bréf, vona að það skili sér til sveinanna áður en þeir koma til byggða (:
ReplyDeleteSæl,
ReplyDeleteþetta er þörf ábending en ég verð líka að viðurkenna að ég efast um að það séu margir foreldrar sem gera þetta. Sögurnar fara auðveldlega af stað. Hér er t.d. mín saga
Þetta er bréf sem ég sendi á foreldra samnemenda dóttur minnar í fyrra :)
Sælir foreldrar í 3.x
Ég vil leiðrétta misskilning sem varð núna eftir að fyrsti jólasveinninn kom til byggða.
XXXXX dóttir okkar kom í skólann og sagðist hafa fengið ipod í skóinn.
Það var ekki rétt en tæknilega jú því hann var í skónum.
Þannig er mál með vexti að hún er búin að vera að safna sér fyrir ipod í tæpt ár. Fyrir um 2 vikum náði hún upphæðinni til að fá ipod og við foreldrarnir vorum búin að kaupa tækið fyrir nokkru en geymdum það, hún var þó búin að fá að prófa tækið smávegis.
Hún fékk ekki ipodinn afhentan alveg um leið og hún var búin að safna því hegðunin var ekki búin að vera til fyrirmyndar. Því héldum við tækinu áfram og hún átti að fá það síðar ef hegðunin bættist.
Það var síðan komið að því að afhenda ipodinn og við foreldrarnir gerðum þau mistök að setja tækið í skóinn ásamt mandarínu (sem var það sem hún átti raunverulega að fá í skóinn). Við brýndum greinilega ekki nóg fyrir henni að ipodinn væri ekki frá jólasveininum (hún komst að því í fyrra hverjir gefa ískóinn) því hún sagði krökkunum í bekknum að hún hefði fengið ipod. Daginn eftir báðum við hana um að leiðrétta þetta enda ekki um eðlilega skógjöf að ræða.
Mér þykir mjög leitt að þessi misskilningur hafi orðið, ég er sko alls ekki manneskja sem myndi gefa ipod í skóinn heldur eru gjafirnar frekar lágstemmdar (mandarínur, jólastafur, sleikjó og slíkt).
Eftir að ég sá frétt í einhverjum vefmiðli í gær þess efnis að 8 ára strákur í Reykjavík hefði fengið ipod í skóinn áttaði ég mig á því að í þessu tilviki hefði saga dóttur minnar auðveldlega geta breyst yfir í strák.
Einhver ykkar hefur eflaust heyrt af þessu í gegnum börnin og því vildi ég bara koma réttri sögu á framfæri.
Við foreldrarnir höfum líka lært okkar lexíu af því að setja ekkert í skóinn sem á ekki heima þar :)
Gleðileg jól öll sömul
Sólveig, mamma XXXX
even though I can not refer to "my old days in iceland" I fully agree that it should be some "common sens" when it come to "shoe gift".
ReplyDeleteThis said, Solveig, I think we can all understand that we parents do mistake, and the good side of it is that we can speak about it, and with the kids too!
Thanks for sharing Gisli, it was good to bring it up.
V.
Góð grein!
ReplyDeleteÞví miður þörf á svona grein.
Lærði einu sinni að þeim væri vorkunn sem fengju stórar gjafir í skóinn því þar hefði ekki komið jólasveinn heldur foreldri.Jólasveinninn gefur nefnilega bara smágjafir!
svo flottur pistill hjá þér. bara vona að þú fáir strumpaópal því núna varstu góður strákur að minna jólasveinana á að gera ekki mannamun. Gleðileg jól.
ReplyDeleteæðislegt að lesa þetta frá rétt rúmlega tvítugum strák. Ungt fólk er mikið jákvæðra og réttsýnna en áður. samkennd og kærleikur er að aukast, með einstaklingum sem eru upplýstari og þroskaðri en við vorum. það er frábær kynslóð að vaxa úr grasi sem við getum verið stolt af og haft mikla trú á. fólk sem lætur ekki einstaklingshyggju, græðgi og álit annara stjórna verkum sínum og vill að öllum líði vel og leggur eitthvað á sig svo það geti orðið.
ReplyDeleteTakk fyrir að skifa Jólasveinunum :)
ReplyDeleteÆðislegt bréf, alveg sammála :)
ReplyDeletefáránlegt! eins og hver jólasveinn ráði ekki hvað hann gefur í skóinn?
ReplyDeletejólasveinn barnanna minna hefur kannski bara meira milli handanna en jólasveinar annarra barna, enda hafa kannski ekki allir jólasveinar gengið í gegnum 16 ára læknanám til að hafa efni á ipod, utanlandsferð eða vespu... látið jólasvein barnanna minna í friði!
vá... þrátt fyrir 16 ára læknanám ertu samt nógu vitlaus til að skrifa svona bjánalegt komment?
DeleteAldeilis gott að hafa svona besservisser til að kenna uppeldi.....hahahaha
ReplyDelete